یحیی السنوار د شهید اسماعیل هنیه جانشین شو
ا یکنانیوز عربی ۲۱ له قوله راپور راکړ، د فلسطین اسلامی مقاومتي غورځنګ حماس په نهایت کې له څو ورځو مشورو وروسته پرون په یوې اعلامیې کې اعلان کړی چې یحیی سنوار ددغه غورځنګ د سیاسی دفتر د نوي مشر او د شهید اسماعیل هنیّه دجانشین په توګه ټاکل شوی دی.
یحیی السنوار یو هغه فلسطینی پوځي قوماندان دی چې په غزې تړانګې کې د فلسطین د اسلامی مقاومتي غورځنګ د کار له پیلیدا راهسې د حماس غورځنګ له پوځي برخې عزالدین قسام کنډکونو سره یو ځای شوی او اوس ئې یو مشر دی.
السنوار دهغه رول په دلیل چې په کمانډوئي عملیاتو کې ئې لري، د صهیونیسټي وحشي رژيم د ترور په لیسټ کې یو ترټولو زیات تعقیبیدونکی کس حسابیږي.
یحیی ابراهیم حسن السنوار د ۱۹۷۵کال د ستمبر په شپاړسمه نیټه د غزې تړانګې په جنوب کې په خان یونس ښار کې د کډوالو په کیمپ کې زیږیدلی او تراوسه پورې د خپل ټاټوبی د بیرته اخستو په تکل کې د فلسطین د مظلوم ولس د سترګو ت ور ګرځیدلی دی.
